El Gobiernu d`Asturies va impulsar l`añu viniente once

Miércoles, 16 d’avientu del 2015
El Gobiernu d'Asturies va impulsar l’añu
viniente once concentraciones parcelaries
nueves en siete conceyos con una inversión
de 5,9 millones
− Esti procesu va dexar actuar sobre 4.260 hectárees n'Ayande,
Cangas, Grau, Valdés, Tinéu, A Veiga y Onís
− El Principáu y el Grupu Sabadell collaboren pa fomentar la
práctica segura del esquí y el snowboard na Estación de
Valgrande-Payares
El Principáu va impulsar l’añu viniente once concentraciones parcelaries
nueves en siete conceyos con una inversión global de 5,9 millones
hasta’l 2019. El Conseyu de Gobiernu autorizó güei l'entamu del procesu
cola aprobación de los decretos que declaren d'utilidá pública, interés
social y urxente execución les actuaciones nes zones siguientes:
Arcayana (Valdés), Castru, Pereda y Villar de Ayones (Valdés); MonesLa Mortera-Faedal-La Espiniel.la (Valdés), Faéu de Ayones (ValdésTinéu), Ferrói (Ayande), Montes d'Abres y Guiar (A Veiga), Rel.lamiegu
(Tinéu); Silviella-Talaveru (Onís), Vigaña de Salcéu (Grau), Vil.ladestreVil.louril (Cangas) y Vil.lar de Bergame (Cangas).
La superficie total que se va agrupar xube a 4.260 hectárees, de les que
2.285 (el 53,6 %) correspuenden a terrén forestal y el restu, 1.975, a
superficie agraria. La primer fase de los trabayos va centrase n'investigar
la propiedá de los terrenos, midir les parceles y clasificales.
Les zones a les qu'afecten les concentraciones son les siguientes:
Valdés: Arcayana. Incluye los terrenos de los núcleos d’Arcayana,
Ocinera, Villarín y El Pueblu. Concéntrense 370 hectárees: 110 de
superficie agraria y 260 de forestal.
Valdés: Castru Pereda y Vil.lar (Ayones). Afecta a los núcleos de
Castru, Pereda de Ayones y Vil.lar. Concéntrense 210 hectárees: 190 de
superficie agraria y 20 de forestal.
1
Valdés: Faéu de Ayones. Incluye terrenos del nucleu de Faéu.
Concéntrense 155 hectárees: 75 de superficie agraria y 80 de forestal.
Valdés. Mones-La Mortera-Faedal-La Espineil.la. Afecta a los núcleos
de Mones, La Mortera, Faedal y La Espiniel.la de baxu. Concéntrense
950 hectárees: 300 de superficie agraria y 650 de forestal.
Ayande. Ferrói. Incluye terrenos del nucleu de Ferrói. Concéntrense 160
hectárees: 60 de superficie agraria y 100 de forestal.
A Veiga. Montes d'Abres y Guiar. Afecta a los núcleos d'Abres,
Bustelo, Grandamiá, Refoxos, A Arnela, Guiar y A Graña. Concéntrense
860 hectárees: 60 de superficie agraria y 800 de forestal.
Tinéu. Rel.lamiegu. Comprende terrenos de los núcleos de San Esteban
de Relamiego, Val.le Tesu, Sebrán, El Peligru, Cortina y La Estrel.la.
Concéntrense 375 hectárees: 325 de superficie agraria y 50 de forestal.
Onís. Silviella-Talaveru. Afecta a los núcleos de Silviella, Talaveru,
Villar y Benia, amás del paraxe de Coto. Concéntrense 215 hectárees:
190 de superficie agraria y 25 de forestal.
Grau. Vigaña de Salcéu. Incluye terrenos del nucleu de Vigaña de
Salcéu. Concéntrense 205 hectárees: 180 de superficie agraria y 25
forestal.
Cangas. Vil.ladestre-Vil.louril. Comprende terrenos de los núcleos de
Vil.ladestre, Vil.louril, L.lugarnes y Soutu los Molinos. Concéntrense 510
hectárees: 310 de superficie agraria y 200 de forestal.
Cangas. Vil.lar de Bergame. Afecta al nucleu de Vil.lar de Bergame.
Concéntrense 250 hectárees: 175 de superficie agraria y 75 de forestal.
La Conseyería de Desenvolvimientu Rural y Recursos Naturales, al
traviés de la Dirección Xeneral de Montes y Infraestructures Agraries, va
trabayar mientres l’añu viniente nes distintes fases de les 36 zones de
concentración de promoción pública que van tar n'execución y qu'afecten
a más de 14.600 hectárees. Tamién va siguir actuando nes dolce zones
de promoción privada, que comprenden en xunto 1.113 hectárees.
D'esta miente, a la fin del procesu, el Principáu va cuntar con una
superficie que supera les 15.700 hectárees dotada de les infraestructures
afayadices.
Estes actuaciones dexen que más esplotaciones, tanto agrícoles como
forestales, dispongan d'una base territorial reorganizada, con menos
finques y más superficie, y bien comunicada per caminos afayadizos. Les
2
concentraciones dexen a los propietarios desenvolver la so actividá con
mayor comodidá, competitividá y eficiencia.
Conveniu pa la práctica segura del esquí
El Gobiernu d'Asturies, al traviés de la Dirección Xeneral de Deporte, y el
Grupu Banco Sabadell van soscribir un conveniu pa fomentar la práctica
segura del esquí y el esnowboard na Estación Valgrande-Payares, pola
que pasen cada temporada unes 100.000 persones.
La práctica del esquí y del snowboard entraña riesgos que nun pueden
controlar les mesmes estaciones, polo que se fai necesariu reforciar les
midíes de prevención. En concreto, el Grupu Sabadell va instalar en
Payares soportes publicitarios pa informar sobre les normes de conducta
de la Federación Internacional d'Esquí.
Tamién va colocar pancartes y valles informatives en competiciones y
otres actividaes que se desenvuelvan na estación. Amás, va aportar un
máximu de 6.000 euros pa material de seguridá.
3