SI BO NO TIN NIVEL BO NO POR TA MINISTER
Anuncio
2012 NR 9 MEI 2012 Paisano, un saludo kordial. Esaki ta e di 9 edishon di PAISAHE pa loke ta trata aña 2012. PAISAHE a keda publiká pa di promé biaha na novèmber 2011. E ta un boletin di informashon bi-mensual di Partido pa Adelanto i Inovashon Soshal (PAIS). Kòrda ku bo komentario o sugerensia semper ta bon biní serka nos. Disfrutá di e edishon aki. KEN NOS TA? Partido pa Adelanto i Inovashon Soshal (PAIS) ta brinda un alternativa di gobernashon pa Kòrsou. Próksimo elekshon ya no ta tokante struktura estatal, sino di un simpel pregunta. Bo ke keda ku e tipo di gobernashon ku nos tin aktualmente si o no? Nos ta boga pa un Gobièrnu pa tur Yu di Kòrsou. Un Gobièrnu ku ta uni i no dividí, un Gobièrnu ku ta traha i no pleita, un Gobièrnu ku ta pone nos isla promé i polítika despues. Bo ke sa mas di Partido PAIS i kisas ta interesá pa bira miembro? Esaki ta posibel via www.partidopais.com Facebook ‘PAIS’ òf 518 8802 òf [email protected] Partido PAIS Rozenweg 1, Kòrsou Un órgano di komunikashon di partido PAIS SI BO NO TIN NIVEL BO NO POR TA MINISTER Ku hopi doló nos komunidat tur dia mester tuma nota di e falta flagrante di nivel i konosementu di algun di nos Ministernan. Aki no ta bai ku bo ta di akuerdo si o no ku nan maneho o ideologia. Ta un kuestion di falta di abilidat pa pensa, papia i aktua na un nivel akseptabel pa un Minister. Sea ta trata di un Minister di Kabinete o un Minister Plenipotensiario, pa nos di Partido PAIS mester bin ku un lei den kua ta keda ankrá ku pa bo ta Minister bo mester tin un nivel di traha i pensa di mínimalmente Hoger Beroepsonderwijs (HBO). Na momento ku PAIS ta parti di gobernashon di Kòrsou, sigur por konta ku nos lo traha pa hasi e idea aki un realidat. E motibu pa eksihí sierto nivel pa nos Ministernan ta lógiko. Den kualkier korant, tur dia por mira aunsionan den kua ta buska hende pa traha. I kasi semper ta pone e rekesito ku e solisitante mester kumpli ku n’e pa e por bin na remarke pa un trabou. Sea bo mester tin diploma, sertifikado o eksperensia, echo ta ku pa ehersé mayoria funshon, bo mester kumpli ku rekesito di formashon i kapasidat intelektual. Sinembargo den kaso di un di e puestonan mas importante di maneho ku ta eksistí den nos pais Minsiter - no tin ningun eksihensia. Pakiko nos mester sigui akseptá ku tin Minister ku no sa ni e reglanan básiko di nos idioma? Pakiko akseptá un Minister sin e konosementu nesesario di nos sistema konstitushonal i di gobernashon? Pakiko tolerá Minister sin nivel pa atendé asuntunan di nivel? Pa nos esaki ta un situashon simplemente inakseptabel ku no tin mag di kontinuá mas den nos gobernashon. Pa Partido PAIS den e kuadro aki nos mester kontestá dos pregunta esenshal: 1. Ki tipo di nashon nos ke ta? i tambe, 2. Ki tipo di Yu di Kòrsou nos mester pa por alkansá e nashon ku nos ke. Si nos kontesta riba pregunta nr. 1 ta ku nos ke ta un nashon ku un desaroyo haltu; si nos kontesta riba pregunta nr. 2 ta ku nos ke Yunan di Kòrsou bon ekipá pa alkansá e meta di un nashon di desaroyo haltu, ta imposibel e ora ei ku nos ta akseptá ku hende sin nivel, sin formashon nesesario pa okupá e funshon di Minister, ta bira Minister na Kòrsou. www.partidopais.com 2012 NR 9 ORA SERO PA EURO Euro ta turbulento. Zona Euro (paisnan di Union Oropeo ku ta usa Euro) ta nos di dos partner komershal mas grandi. Ta importante pues pa komprondé kiko ta pasa ku e moneda aki. Semper a bisa ku e problema di e.o. Gresia, Italia, Spaña i Portugal ta falta di displina presupuestario (nan ta gasta mas ku nan tin). Preshoná pa Alemania, hopi di nan obligatoriamente a kòrta gastu i subi belasting. Sinembargo mas i mas opservadó ekonómiko ta konsiderá e kòrtamentu aki kontraproduktivo ya ku e problema ta mas kompliká ku simplemente gastu di mas. Un union monetario ta eksihí harmonisashon di maneho makroekonómiko p’e por funshoná. E problema fundamental di Zona Euro ta ku e miembronan ta na nivel diferente di desaroyo. Apesar di e diferensia aki ta eksihí ku nan komportashon ekonónomiko ta mesun kos. Ta imposibel pa p.e. Portugal kumpli ku e mesun rekesitonan ku Alemania. Esun ku ta probechá mas tantu di e falta di balansa ta netamente esnan mas fuerte manera Alemania. Alemania pa motibu ku e ta 25% mas kompetitivo ku e otro paisnan di Euro Zona ta eksportá muchu mas tantu ku e ta importá. E surplus Aleman ta US$ 200 mil mión (lokual ta mas grandi ku esun di China) i pa 40% ta bin a kosto di komersio ku miembronan di Zona Euro. Si Alemania tabatin su mes moneda, Un órgano di komunikashon di partido PAIS MEI 2012 den un situashon ku su ekonomia ta superior, su moneda outomátikamente lo a subi di balor kompará ku otronan, lokual lo a pone ku su ekportashon lo a kai (tresiendo balansa bèk). Di otro banda, si e paisnan suak tabatin nan mes moneda, e balor di esaki lo a baha. E eksportashon di e paisnan suak lo a subi komo konsekuensia. Pues e echo ku tin un (1) moneda ku ta konta pa tantu esnan suak komo fuerte, ta pone esnan fuerte bai dilanti i esnan suak bai atras. Konsekuentemente hopi pais no ta dispuesto (mas) pa akseptá medidanan di ousteridat. Lokual nan ke ta apoyo pa nan ekonomia krese i bira mes kompetitivo ku esun Aleman. Nos ta premirá ku e strategia Aleman pa fòrsa reforma serka e paisnan mas vulnerabel, lo kambia. Es mas, e paisnan aki ta pidi espasio pa gasta mas pa asina nan por pone nan ekonomia krese. Alemania ta konsiente ku si e Zona Euro ke keda na bida, e mester perkurá pa mas balansa den desaroyo ekonómiko entre e paisnan fuerte i suak den Zona Euro. E lokual lo ta un reto ta ku mas balansa ekonómiko den Oropa ta nifiká mas metementu di Bruselas den asuntunan makroekonómiko. E gran pregunta pues ta si miembronan di Union Oropeo ta bai pèrmití pa entregá ainda mas di nan outoridat pa asina salba e union monetario. Otro posibilidat ta ku ta surgi dos Euro: Euro fuerte i Euro no-fuerte. Lokual ta ménos probabel ta ku Euro lo desaparesé. Sifranan: Andrew University, 2012 Moravcsik, NOTISIA KÒRTIKU Nos di Partido PAIS ta manda un palabra di sosten pa tur alumno di VSBO, HAVO i VWO ku a kuminsá ku eksamen final. Hopi éksito di nos parti pa nos studiantenan i tambe nan mayornan. E estatua pa Mgr. Amado Römer, desvelá riba Dia di Labor, ta un tremendo inisiativa. Mgr. Amado Römer tabata un luchadó di promé fila pa hustisia soshal. Nos semper a i lo sigui sostené tur proyekto ku ta onra nos éroe i baluartenan. Ku hopi plaser PAIS a tuma nota di e kombate deportivo di tur aña pa saka nos representantenan di Little League. Nos ke pidi tur hende pa apoyá nos muchanan durante di e weganan. Partido PAIS ta spera ku e Gobièrnu nobo di Sint Maarten lo perkurá pa e madures nesesario pa atendé ku e union monetario entre di St Maarten i Kòrsou. Sea ta disolv’é o ta traha riba e kondishonnan nesesario pa e por funshoná na drechi. Status quo no ta akseptabel i lo sigui perhudiká nos situashon finansiero-ekonómiko. Dia Mundial di Libertat di Prensa a keda konmemorá riba 3 mei último. Libertat di prensa kier men protehá e derechi di e suidadano pa e haña informashon korekto i usa esaki – si e ta deseá - pa tuma desishon pa ku su gobernashon. Princeton www.partidopais.com
