Pasian tung pana ka ngah uh hehnepna tawh gim thuakte ka

Lesson 8 for August 20, 2016
Jesu in mite lainat in amaute don hi.
Thuciam Lui sungah Amah pen a
hehpih thei Pasian na hi hi.
Mi bangin hong pian khiat ciangin
akiim a om mite tungah lainatna lak
hi. Ama kammal leh gentehnate zang
in mite tungah lainat dan ding hilh hi.
“Hih mizawngpa in sam a, TOPA in a za hi; ama lungkhamna khempeuh panin a
honkhia hi.” (Psalm 34:6)
Thuciam Lui ah mite in a haksat hun ciang
Pasian kiang kiko in aphunsanna tangthu
tampi om hi (khat veivei tua buainate in
amau mawhna hang nahi hi).
Amaute’ thuakna ah, Pasian in
kitheihmawh bawlse lo in hehpihna tawh
amaute lainat hi. (see Pai. 2:23-25;
Thukhen 2:16-18; 2 Kumpi 13:23;
Isaiah 54:7-10).
God in a piansakna ah a lainat lo hilo hi;
“Topa in nakpi tak a hehpihna leh lainatna
tawh kidim hi.” (James 5:11).
Pasian in tuni eite’ kikonate hong za lai hi.
Eite in Ama hehpihna ih muang thei hi,
ahang in “Leitung ah Topa’ hoihna adim in
aom hi.” (Psalm 33:5).
“Na kisapnate, na lungdamnate, na dahnate, na lung khamnate le,
na launate Pasian’ mai-ah lui in. Pasian in gik asa kei dinga, zong a
gim kei ding hi. Na luzang a samzangteng asim khin Pa in, A tate’
kisapna don lo-in om lo hi. “Topa in hong hehpihin hong khual
mahmah hi” (James 5:11). Ih dahnate le, tuate ih genkhiatna in
Ama itna lungtang khoih kha hi. Na lungsim hong buaisak
khempeuh Ama kiang tun in, Ama puak dinga alian lua bangmah
om lo hi; banghang hiam cihleh leitungte Ama’n lenkip a,
khuavannuai a thu khempeuh Ama’n vaan hi. Ih lungnop nading a
apiang thu khat peuhpeuh, Ama hong phawk pih tham dinga athu
neu lua omlo hi. Ama muh theih loh ding zah a ih nuntakna sung
amial lua mun om lo-a; Ama sian sak zawh loh ding zah a buaina a
haksa lua om lo hi. A tate a neu bel tunga a tung gimna,
lungkhamna, lungdamna, kam pan a pusuak thungetna cihte van a
om ih Pa in a theih khak loh a hi-a, thakhata a don pak nop loh ahi
zongin bangmah om lo hi.” Amah in lungsim kitamkhamte damsak
a, amau’ liamnate tuam sak hi,” (Late 147:3). Leitung ah Ama kep
ding midang a om lo bang keek leh, a it mahmah a Tapa apiak ding
midang a om lo ding zahin, Pasian le mi khat sim kikal ah kizopna
tuamdiak le a kicing om hi.”
E.G.W. (Steps to Christ, cp. 11, pg. 100)
“Amah in mihonpite a muh ciangin a cing om lo tuute bangin cimawh le lungnuam loin
om uh ahi manin amaute a khuatuah hi.” (Matthew 9:36)
Mi khat peuh hehpih acihna sungah lainat,
athuakna ah dahpih, agimna theihpih (lainat,
hehpih le thuakpih) cihte kihel hi.
Hehpih ih cih ciangin midangte thuakna theihpih
ciang bek hilo in, va damsak va nuamtuam sak
nuam cih ahi hi.
Jesu in mite tungah hehpihna nei hi. Tua man in,
amaute thuhilh, damsak, amaute kampaute va
za, amaute ading thu ngetsak hi (Matthew 14:14;
9:35-38; Luke 7:11-16).
Jesu in eite etteh ding ahi hi.
Eite hehpihna in zia-le-tong nih
lak khia ding hi; lungsim tak
tawh leh thanuam tak a sepna
tawh hiding hi (migitna gahte
gah khia ding hi).
“A lungdamte tawh na lungdam khawm un. a dahte tawh na dah
khawm un.” (Romans 12:15)
Jesu in Lazarus atho sak kik pah ding ahih leh
banghang in ahan mai ah Jesu kap hiam?
(John 11:35).
“Amah pen Pasian’ Tapa ahih hangin,
si-le-sa mah hong pua lai a, dah thei
lai hi. A neem, a hehpihthei Ama
lungtang in thuaksiatna tawh lainat
tawntung hi. Adah mite kahpih in, a
lungdam mite nuampih hi… Khang
tawntung leh mun citeng a leitung
mite’ natna in Ama lungtang ah
kisun hi.” (Ellen G. White, “The Desire of
Ages”, cp. 58, pp. 533-534).
“Tua ciangin a pu in amah hehpih a, a leiba khempeuh maisak
in a khah hi.” (Matthew 18:27)
Thukhente 2:18 ah Pasian in A mite hehpih in kah hi, ci hi.
Hehpih ih cih in bang khiatna nei hiam?
Luke 10:33 in a hehpih Samaria mipa tangthu hong gen hi.
A liam mipa mun ah amah hong kiguang hi (a thuaknate
hehpih hi). Pumpi bawlsiatna leh neihsa buluhna athuakna
ah, amah huh in panpih hi.
Luke 15:20-32 in a hehpih pa khat ii tangthu hong gen hi. A
tapa taimang angei hong bat kik nadingin innkuan sung buaina apiang phial zongin avang neihteng nusia in, abat theih
teng zang khia hi.
HEHPIH cihna sungah midangte haksatnate
thuakpihna leh sumbei tawh buai lo
amaute huhna cihte kihel hi.
“Pasian tung pana ka ngah uh hehnepna tawh gim
thuakte ka hehnep theih nadingun amah in kote ka
gim thuakna khempeuh panun hong hehnem hi.” (2
Corinthians 1:4)
Christ in eite thuakna hong hehnep
bangin en zong midangte ih hehnem thei
hi. Ih phutkhak dahnate hangin midangte
thuakna thei siam a, ih huh thei hi.
Pawlpi in ih bukna khuapi ahi hi, ahang in
tua sungah hong hehnem nuam thu-um
mite tawh kidim hi. Natna thuakt mite
adam sak zato khat ahi hi.
Hehnepna sungah lungsim tak tawh
lainatna; akapte kahpihna, haksat hun
ciang ompih, midangte gensia lo in athu
ngaihna, a kisap teh ngaihsutpiakna zonna,
a ki tamsamte tawh thunget khopna le
thunget sakna cihte kihel hi…
“Aliam abai mipa adamsak thei
zatuinuh bangin upna leh hangsanna
kammalte pau khia in. Nuntakna
thasanna lianpi sungah mi tampi,
tampite in thanem, lungkia in om uh
aa, a lungnuamsak kammal khat in
amaute gualzawh nading tha pia ding
hi. Pasian in ong hehnem pa ahihziak
in kha khat peuh ii thuakna
hehnepna kam paihlo in paisan ngei
kei ni.”
E.G.W (The Desire of Ages, cp. 54, pg. 504)